Yangi spektakl taqdimoti.

Qashqadaryo viloyati qo‘g‘irchoq teatri 2025-yil repertuar rejasining 1-choragidan o‘rin olgan Qozog‘iston Respublikasidan tashrif buyurgan rejissyor Samat Altay tomonidan sahnalashtirilgan “Katyonok Gav”, "Gav laqabli mushukcha" nomli yangi spektakl O’zbekiston Respublikasi Madaniyat vazirligi tomonidan biriktirilgan badiiy kengash a’zolariga namoyish etildi.

Grigoriy Oster qalamiga mansub ushbu sahna asari 3-yoshdan 8-yoshgacha bo'lgan tomoshabin uchun ham har tomonlama tarbiyaviy va o‘yinqaroqlik ahamiyatga ega bo’ladigan voqealar aks etgani, shaxsan O'zbekiston davlat san'at va madaniyat instituti qo'g'irchoq teatr san'ati kafedrasi dotsenti Azamjon Abduxalilov hamda Qo'g'irchoq teatri san'ati rejissyori Karomat Isamovalar tomonidan alohida e’tirof etildi va ayrim kamchiliklari bartaraf etilib tomoshabinlarga ko’rsatish uchun ruxsat berildi.

Tez kunda namoyish etiladigan spektakl premyerasiga barchani chorlab qolamiz!