QASHQADARYO VILOYAT QO‘G‘IRCHOQ TEATRI ONLAYN KO‘RIK-FESTIVALDA IKKINCHI O‘RINNI EGALLADI

5-8 sentabr kunlari O‘zbekiston Respublikasi qo‘g‘irchoq teatrlarining an’anaviy XII ko‘rik-festivali bo‘lib o‘tdi.

Ta’kidlab o‘tish joizki, mamlakatimizda faoliyat yuritayotgan qo‘g‘irchoq teatrlarining ko‘rik-festivali yildan-yilga ommalashib bormoqda. Kichik yoshdagi tomoshabinlarda ezgu fazilatlarni shakllantirish, ijodiy jamoalar o‘rtasida fikr va tajriba almashish, o‘zaro hamkorlikni yo‘lga qo‘yish, yurtimiz tomoshabinlarini qo‘g‘irchoq teatr san’atining so‘nggi yangiliklaridan boxabar etishda festivalning o‘rni katta bo‘lmoqda.

Koronavirus pandemiyasi bilan bog‘liq vaziyat tufayli festival bu yil ilk marotaba onlayn ravishda tashkil etildi. Shunga qaramay, festivalda qo‘g‘irchoq teatrlari katta ishtiyoq bilan ishtirok etdi va yuqori o‘rinlar uchun ko‘rash ham qizg‘in kechdi. Unda respublikamizdagi 10 ta qo‘g‘irchoq teatri eng sara spektakllari bilan ishtirok etdi. Yosh tomoshabinlar festivalga taqdim etilgan asarlar bilan ijtimoiy tarmoqlar orqali tanishib borishdi. Ijodiy muhokamalar esa tashkilotchilar, ishtirokchi jamoalar hamda hakamlar hay’ati o‘rtasida videokonferensaloqa tizimida tashkil etildi. Ishtirokchilar tomonidan taqdim e’tilgan asarlar ijtimoiy tarmoqlarda to‘plangan ovozlar hamda hakamlar hay’atining yakuniy xulosasiga asosan baholandi.

E’tiborli tomoni, ko‘rik-festivalda Qashqadaryo viloyat qo‘g‘irchoq teatri tomonidan taqdim etilgan “Qush tili” spektakli ikkinchi o‘ringa munosib ko‘rildi.

Alisher Navoiyning “Lison ut-tayr” dostoni asosida sahnalashtirilgan ushbu asar bolalarni egulikka, yaxshilikka, chorlab, yomonlikdan qaytarishga undaydi. Asarni sahnalashtirish davomida rejissor bolalar ongiga har bir yaxshilik va yovuzlik ham inson qalbida bo‘lishi, lekin u yovuzlikni ezgu fazilatlar, to‘g‘riliklar hamda sog‘lom fikr orqali yengish mumkin ekanligini ayrim qushlar orqali ko‘rsatib berishga harakat qilgan.Asar davomida tomoshabin Kasofat deb nomlanuvchi qushga duch keladi. Rejissor bu qush timsolida inson vujudidagi hasad hamda razolat boqiy emasligi har kim o‘zi va o‘z qalbini anglay boshlasa kasofatlar undan nari ketishi va o‘zlari o‘ylagan ilohiy Semurg‘ qushiga aylanishi mumkinligini aytgandek bo‘ladi.

3-o‘rin Xorazm viloyati qo‘g‘irchoq teatri “Qaldirg‘och va mayna” spektakli

9. 3-o‘rin O‘zbek Milliy qo‘g‘irchoq teatri “Masha buvi yopgan bo‘g‘irsoq” spektakli

11. 2-o‘rin Qashqadaryo viloyati qo‘g‘irchoq teatri “Qush tili” spektakli

11. 2-o‘rin Qoraqalpoq davlat qo‘g‘irchoq teatri “Sahro Bembiyi” spektakli

12. 1-o‘rin Surxondaryo viloyati qo‘g‘irchoq teatri “Qodiriy kuldirganda” spektakli

13. 1-o‘rin Farg‘ona viloyati qo‘g‘irchoq teatri “Toychoq” spektakli uchun

Festivalning faxrli birinchi o‘rin sohiblari 5 million so‘m, ikkinchi o‘rinni egallaganlar to‘rt million so‘m, uchinchi o‘rin sohiblari esa uch million so‘mdan pul mukofoti, diplom hamda esdalik sovg‘alari bilan taqdirlandilar.