Qashqadaryo viloyati qo'g'irchoq teatri Farg'ona viloyatida tantanali kutib olindi

O‘zbekiston Respublikasi Prezidentining “Aholiga madaniy xizmat ko‘rsatish darajasini yanada oshirish chora-tadbirlari to‘g‘risida” 2023-yil 25-dekabrdagi PQ-406-son qaror ijrosini ta'minlash hamda viloyatlararo teatr san'ati sohasida ijodiy hamkorliklarni rivojlantirish maqsadida Farg'ona viloyati bo‘ylab Qashqadaryo viloyati qo'g'irchoq teatri ijodiy jamoasi gastrol safarida bo‘ldi.

1-may kuni Qashqadaryo viloyati qo'g'irchoq teatrining ijodiy jamoasi Farg'ona viloyati qo'g'irchoq teatrida tantanali ravishda kutib olindi.

Teatr ijodkorlari tomonidan Karomat Dilmonovning qalamiga masub "Tulporning jasorati" spektakli Marg'ilon shahar 1-2 maktabgacha ta'lim muassasasi uchun namoyish etilib, barchaga ko‘tarinki kayfiyat, ma'naviy-madaniy hordiq ulashildi.

Teatr jamoasi bilan kelgusida ijodiy hamkorlik mustahkamlanib borishini ham ta'kidlab, ulkan muvaffaqiyatlar tilab, "Tashakkurnoma"lar hamda esdalik sovg‘a-salomlari ulashildi.