"Ochko'z polvon" spektaklining taqdimoti.

Qashqadaryo viloyati qo‘g‘irchoq teatri sahnasida yana bir yorqin asar dunyoga keldi. Teatrning 4-chorak uchun tayyorlagan yangi spektakli — “Ochko‘z polvon”, iste’dodli rejissyor va sahnalashtiruvchi Xurshid Hakimov ijodiy jamoasi tomonidan tomoshabinlar e’tiboriga havola etildi.

Mazkur spektakl O‘zbekiston Respublikasi Madaniyat vazirligi Teatr, sirk san’ati va kinematografiya boshqarmasi huzuridagi ekspert guruhiga taqdim etilib, san’at ahli tomonidan iliq kutib olindi.

Taqdimot jarayonida O‘zbekiston davlat san’at va madaniyat instituti Qo‘g‘irchoq teatri kafedrasi o‘qituvchisi Berdimuratov Islom Rustamovich hamda kafedra dotsenti Abduxalilov Azamjon Abdullaxonovich ishtirok etishdi.