Teatr haftaligi. 2-kun

Qashqadaryo viloyati qo‘g‘irchoq teatri tomonidan 27-mart — Xalqaro teatr kuni munosabati bilan tashkil etilgan teatr haftaligining ikkinchi kunida “Mushukcha Miyu” spektakli hamda teatrlashtirilgan konsert dasturi namoyish etildi.

Tadbir 2026-yil 22-mart kuni soat 11:00 da, birinchi seansda bo‘lib o‘tdi. Spektakl o‘zining qiziqarli syujeti, yorqin obrazlari va jonli ijrosi bilan bolajonlarda katta taassurot qoldirdi. Sahna bezaklari va aktyorlarning mahorati tomoshabinlar tomonidan iliq kutib olindi.

Shuningdek, teatrlashtirilgan konsert dasturida kuy-qo‘shiqlar va sahna chiqishlari namoyish etilib, tomoshabinlarga bayramona kayfiyat ulashildi.

Mazkur tadbirda jami 200 nafar tomoshabin ishtirok etdi.