"Ochiq eshiklar kuni". 2-kun

Qashqadaryo viloyati qo‘g‘irchoq teatri tomonidan O‘zbekiston Respublikasi Mustaqilligining 35-yilligi munosabati bilan tashkil etilgan “Ochiq eshiklar kuni” tadbirlarining ikkinchi kunida tomoshabinlarga mazmunan boy, tarbiyaviy ahamiyatga ega bo‘lgan ijodiy dasturlar taqdim etildi.

Tadbir davomida Karomat Dilmonov qalamiga mansub, rejissor G‘ayrat Hamroyev tomonidan sahnalashtirilgan “Temurbekning bolaligi” spektakli namoyish etildi. Spektaklda buyuk sarkarda Amir Temurning bolalik yillari, uning jasorati, vatanparvarligi va ezgu fazilatlari qo‘g‘irchoq san’ati vositasida yorqin aks ettirildi.

Shuningdek, teatr ijodkorlari tomonidan tayyorlangan teatrlashtirilgan konsert dasturi ham tomoshabinlarga bayramona kayfiyat ulashib, mustaqillik shukuhi va milliy qadriyatlarimizni tarannum etdi. Rang-barang sahna ko‘rinishlari, kuy-qo‘shiqlar va badiiy chiqishlar tadbir ishtirokchilarida unutilmas taassurot qoldirdi.