2026-yilning IV choragiga mo‘ljallangan “Ona mehri” spektakli ustida qizg‘in ijodiy jarayonlar davom etmoqda.

Qashqadaryo viloyati qo‘g‘irchoq teatrida 2026-yilning IV choragiga mo‘ljallangan “Ona mehri” spektakli ustida qizg‘in ijodiy jarayonlar davom etmoqda.

Mazkur spektakl Qashqadaryo viloyati Madaniyat boshqarmasi boshlig‘i, O‘zbekiston san’at arbobi, rejissor Isoq To‘rayev Latipovich tomonidan sahnalashtirilmoqda.

Ayni paytda spektaklning sahna ko‘rinishlarini mukammallashtirish, qahramonlar obrazini yanada jonlantirish va tomoshabinga ta’sirchan yetkazish maqsadida chetka jarayonlari qizg‘in davom etmoqda. Chetka mashg‘ulotlarida aktyorlarning ijrosi, sahnadagi harakatlari, obrazlar talqini hamda rejissyorlik yechimlari ustida izchil ish olib borilmoqda.

Shuningdek, butafor-dekoratorlar tomonidan spektaklning badiiy bezagi, sahna dekoratsiyalari va zarur butaforiya buyumlarini tayyorlash ishlari ham jadal sur’atda olib borilmoqda. Har bir sahna ko‘rinishining mazmuniga mos dekoratsiyalar yaratilib, spektaklning umumiy badiiy muhitini shakllantirishga alohida e’tibor qaratilmoqda.