Joriy yil 5-iyun kuni "Hukmdor" spektakli namoyish etildi.

5-iyun kuni Qashqadaryo viloyati qo‘g‘irchoq teatrida Qarshi shahridagi “Beklar” xususiy maktabgacha ta’lim muassasasi tarbiyalanuvchilari uchun navbatdagi madaniy-ma’rifiy tadbir tashkil etildi. Tomoshabinlarga Fotima Holbozorova asari asosida rejissor Sardor Safarov tomonidan sahnalashtirilgan “Hukmdor” spektakli namoyish etildi.

Spektakl davomida bolajonlar qiziqarli voqealar, rang-barang sahna yechimlari hamda qahramonlar sarguzashtlarini katta qiziqish bilan kuzatib, unutilmas taassurotlarga ega bo‘ldilar.