Samarqand viloyati qo‘g‘irchoq teatri jamoasi Qashqadaryo viloyatida gastrol safarda bo'lishdi.

O‘zbekiston Respublikasi Prezidentining 406-son qarori ijrosini ta’minlash, ayni paytda hududlar o‘rtasidagi madaniy aloqalarni yanada mustahkamlash maqsadida Samarqand viloyati qo‘g‘irchoq teatri jamoasi Qashqadaryo viloyatiga unutilmas gastrol safarini amalga oshirdi. Ushbu safar nafaqat san’at bayramiga, balki do‘stlik va hamjihatlikning yorqin ifodasiga aylandi.

Gastrol dasturi doirasida jamoa Qarshi tumanidagi maktab va ta’lim muassasalarida kichkintoy tomoshabinlar uchun “Kachal polvon” nomli teatrlashtirilgan spektaklni namoyish etdi. Rang-barang sahna ko‘rinishlari, quvnoq qahramonlar va dilbar kuy-qo‘shiqlar bolajonlarga unutilmas taassurotlar ulashdi. Har bir sahna orqali mehr-oqibat, do‘stlik va ezgulik g‘oyalari tarannum etilib, yosh qalblarga quvonch ulashildi.

Tomosha davomida bolalarning samimiy kulgisi, chehralaridagi quvonch va hayrat san’atkorlarga ilhom bag‘ishladi. Ushbu uchrashuv esa nafaqat madaniy hordiq, balki hududlar o‘rtasidagi do‘stona aloqalar yanada mustahkamlandi.